iti kasipngetan

inangotda

ti bibigmo

tapno duktalen

no nagisawang

ti balikas

mainaig ken ayat;

sining-utda pay

ti pusom,

saan a gagangay

a panawen

ti napasamak…

madusa

ti matiliwan

a makibisong

iti asinoman

kadagiti nagkorosan

ti kalsada—

no di mapakadaan,

awan liklik,

awan pagruaran

no aniaman

ti sinerkam;

awan dispensar.

ilibas ti makisinnarak,

ilemmeng ti rikna

ti agayat, ti paayat

ti ayat wenno panagayatna

iti kasipngetan--

awan aniniwan ti rabii.

sadiay, nawaya

awan tubeng.

awan naglapayag,

awan nagmata.

bukodyo ti aglawlaw,

awan sayangguseng...

.

.

.

.

.

iti kasipngetan

rudy ram. rumbaoa

samiwengkenayatnirudy.blogspot.com

[nabulod ti ladawan a nausar