Siakto Latta ti Siak [Nga Adda Laeng iti Sibaymo]

no agmaymaysaka

agbalinak nga aniniwam

no kayatmo ti agsangit

agbalinak nga abagam

no kayatmo a mariknat' arakup

agbalinak a punganmo

no kasapulam iti ragsak

agbalinak nga isemmo--

ngem uray ana nga oras a kasapulam

ti gayyem, siakto latta ti siak

nga adda laeng iti sibaymo...

.

.

.

.

.

siakto latta ti siak

[nga adda laeng iti sibaymo]

rudy ram. rumbaoa

dom. 12 ene. 2o25

wailuku, maui