Sika Latta

MAYO UNO gayamen.

Ala wen...

.

.

.

kunak: sika latta daydi napusaksak

a sabong iti pusok ingget agadiwarat'

banglo; dika manglaylay tapno sika

ti sika nga inspirasion a mangbiag

kadagiti nabukel nga arapaap.

sika ti naputar a daniw

a naitalimeng iti barukong

sika ti kanta

ti daniw iti kanta

ti pakabuklan ti daniw ken kanta

gapu kenka, agrag-o ti puso

ket ni kaano man saan a mapugas

uray maysa a balikas a maibinggas

nga isawang daytoy bibig;

uray mamaliw ti panawen--

nainit wenno nalulem

uray mamaliw marismo,

sika ket sika latta

ti biag

ti ayat

ti ayat ken biag

tapno maymaysa ti arapaap.

.

.

.

.

Sika Latta

Rudy Ram. Rumbaoa

samiwengkenayatnirudy.blogspot.com

[bukod nga ala a ladawan ti nausar]