DIKA agtakder iti rabaw ti tanemko
ken dinak sangitan ta awanak sadiay;
saanak a naturog no di sipupuot
Addaak iti rinibribu a milia nga inpalais
ti angin kas iti niebe a nawaya
nga agregreg, wenno tudo a mangbisibis
ti bangkag dagiti eppes a grano
Addaak kadagiti palayupoy ti bigat,
karanting ti napintas a linglingay
ti panaglikawlikaw dagiti tumatayab
iti tangatang; ket siak dayta bituen
a manglawag ti rabii ken agayamuom
a banglo ti sabong iti talinaay a kuarto--
agkanta a kas ti tumatayab
ken agpartuat iti musika kas ti arpa.
Dika agtakder iti rabaw ti tanemko
ken dinak sangitan ta awanak sadiay;
maysaak a banag, saanak a pimmusay.
.
.
.
.
.
DIKA AGTAKDER ITI RABAW TI TANEMKO
Rudy Ram. Rumbaoa
samiwengkenayatnirudy.blogspot.com
#itangaaldaw #ilokodaniw #dikaagtakderitirabawtitanemko #samiweng #ayat #rudyramrumbaoa
[Nabulod ti ladawan a nausar]
No comments:
Post a Comment