Dagiti Puted a Daniw

Ngem apagbiit gayam

kaawanmo, kayatmo

a sublian dagiti tugot

a pinanawam a pagarupem

a mabalin pay nga akupen,

ilatag kadagiti dapan

ket usaren nga agsubli

iti naggapuan; saan,

supringek ti pagayatam--

ti agsubli kaniak, saankan

a maikari iti lubong

a paggargarawak.

.

.

.

.

.

Naadaw iti paset ti daniw

TALLO A DANIW: IPAPANAW, PANAGSUBLI, PANANGSARABO

Rudy Ram. Rumbaoa

samiwengkenayatnirudy.blogspot.com

#ilokodaniw #putedadaniw #talloadaniw #ipapanaw #panagsubli #panangsarabo #samiweng #ayat #rudyramrumbaoa

Dagiti Puted a Daniw

Linikudam ti kalman

sakbay a nagtabon 

ti init, nagpakada

ngem dinak tinaliaw

iti ipapanawmo,

tinurongmo ti desdes

nga agur-uray kenka.

Nabannayat panaglabas

dagiti aldaw kas ti rabii

nga agur-uray sabali a bigat,

inaldaw a taraonkot' saem

gapu't sayasay ti dara

iti sugat a pakalaglagipak...

.

.

.

.

.

Naadaw iti pasaet ti daniw

TALLO A DANIW; IPAPANAW, PANAGSUBLI, PANANGSARABO

Rudy Ram. Rumbaoa

samiwengkenayatnirudy.blogspot.com

#ilokodaniw #putedadaniw #talloadaniw #ipapanaw #panagsubli #panangsarabo #samiweng #ayat #rudyramrumbaoa

Dagiti Puted a Daniw

Ania ti maganab a gunguna

ti yuumay ken ipapanko?

Sadino iti 'yan ti panait ti pakuros

iti pagabel ti lagisi ti pagbiagko?

Iti sirkulo ti espera ti biag

adu dagiti naimbag a tao--

mapuoran ken agbalin a tapok,

ngem sadino iti 'yan ti asuk?

.

.

.

.

.

Naadaw iti maysa a paset ti daniw

"DALAN'

Rudy Ram. Rumbaoa

samiwengkenayatnirudy.blogspot.com

#ilokodaniw #putedadaniw #dalan #itangaaldaw #samiweng #ayat #rudyramrumbaoa

[Nabulod ti ladawan a nausar]

Dagiti Puted a Daniw

UMUNA nga apros iti seradora, agan-annadak

In-inutek nga ipuligos, dakulapek a naimbag

Ta uray kunam a nakakandado't nabayag

Siak ti umuna a sumrek, siakto ti nagasat

KUNAM iti damo: Adda mabati a marka iti pagserkan

Kunak nga insurnad: Dika madanagan siak 'tay natanang

Kunam nga inulit: Dinak allilawen ket dika agsamsam

Kunak a silalailo: Dinak pengdan ta kuak ti kinabaknang

Nagkinnarawata't panunot, natiliwak balikas

Kasda la naamo a karnero nagkurnoda't arpad

Ngalisto itan nga iyusong kakaisuna a tulbek

Awanen ti sawsawir urayko la nga ipennek!

.

.

.

.

.

Naadaw iti maysa a paset ti daniw, RIDAW,

ken karaman ti libro nga Alimpatok, Antolohia Dagiti Erotiko a Daniw nga Ilokano

Rudy Ram. Rumbaoa

samiwengkenayatnirudy.blogspot.com

#putedadaniw #ilokodaniw #ridaw #alimpatok #antolohia #erotiko #daniw #samiweng #ayat #rudyramrumbaoa

[Nabulod ti ladawan a nausar]

Dagiti Puted a Daniw

PINALAGIPANNAK iti naminsan umar-arubayannak

Pinawilannak umasideg iti inaladam a bambantayam 

Diak ipilit ti sumrek iti kinabukatot a wagas

Ta ibilangnak a gangannaet-mannanakawak

PINALAGIPANNAK nga adu't naggandat a sumrek

Dida nagballigi ta awan kadakuadat' tulbek

Ngem no bilang palubosam, lumaemak

Lanaak ti tulbek tapno nagalgalis a sumrek

INULITMO ket pinalagipannak pay a kunam

No ipilitkot' sumrekadut' pannubok a paglasatak

Ngem diak samirenno isut' pagayatam

Natakneng nga iseserrek, napudno 'toy gandat...

.

.

.

.

.

Naadaw iti maysa a paset ti daniw, RIDAW,

ken karaman ti libro nga Alimpatok, Antolohia Dagiti Erotiko a Daniw nga Ilokano

Rudy Ram. Rumbaoa

samiwengkenayatnirudy.blogspot.com

#putedadaniw #ilokodaniw #ridaw #alimpatok #antolohia #erotiko #daniw #samiweng #ayat #rudyramrumbaoa

[Nabulod ti ladawan a nausar]

Dagiti Puted a Daniw

Di napupuotan ti panagtapaw ti rikna

Iti adayo a lugar a dita ammo no ania,

Ngem agsisinniglot ket masukdal dagiti lagip:

Umuna ti init, sumaruno ti bulan-tipping

Uray pay dagiti bato, naggunayda.

Amin a banag, makita. Marikna---

A duduata ti mangiluklukaib...

.

.

.

.

.

Naadaw iti maysa a paset ti daniw

MAYSA A KALGAW

Ken karaman iti libro nga Alimpatok, Antolohia Dagiti Erotiko a Daniw nga Ilokano

Rudy Ram. Rumbaoa

samiwengkenayatnirudy.blogspot.com

#ilokodaniw #putedadaniw #kalgaw #nagtapaw #sinniglot #masukdal #lagip #naggunay #antolohia #erotiko #samiweng #ayat #rudyramrumbaoa

[Nabulod ti ladawan a nausar]

Dagiti Puted a Daniw

Agsaoka't napigsa tapno maawatan; uray nangatot' timekmo

Napigpigsa a panangibalikas uray no daytoy ket saan a pudno.

Ngem saanen a nasken, awan ti mangaw-awag iti naganmo,

Nagpiestaan ti kulibangbang ti rabii dagiti wara a sapatos,

Ket iti panaglabas ti panagrurunos ti narakrak

A pasdek, nairuar iti dalan dagiti natadtad a bara...

.

.

.

.

.

Naadaw iti paset ti daniw, DUAYYA

Rudy Ram. Rumbaoa

samiwengkenayatnirudy.blogspot.com

Naipablaak iti Bannawag Magazine, Abril 16, 2o12 Isyu

#ilokodaniw #bannawag #duayya #balikas #nagpiestaan #kulibangbang #rabii #narunos #rakrak #natadtad

[Nabulod ti ladawan a nausar]

Dagiti Puted a Daniw

Agarup amin a banag iti dayta a kanito

Ket nagluom ken matnag

No dadduma, agumentar ti pul-oy

Ti angin ket pagsalaenna

Dagiti tawa--aglukat sa maitangep.

Ngem naglamiis ti rabii ket timpuar

Dagiti nakarimrimat a bituen iti tangatang

Kas iti karimat ti naabbongan a pingping,

Ket ti barukongmo kasda la kigaw

Iti itutumpuarda iti lawag ti sellag a bulan

'Yarig dagiti kulintaba a lirio a maayatan...

.

.

.

.

.

Naadaw iti maysa a paset ti daniwko, MAYSA A KALGAW,

ken karaman iti libro nga Alimpatok, Antolohia Dagiti Erotiko a Daniw nga ilokano

Rudy Ram. Rumbaoa

samiwengkenayatnirudy.blogspot.com

#ilokodaniw #maysaakalgaw #nagluom #natnag #agumentar #puloy #timpuar #nagrimat #abbong #kigaw #sellag #kulintaba #lirio #alimpatok #erotiko

#rudyramrumbaoa

[Nabulod ti ladawan a nausar]

Dagiti Puted a Daniw

1o.

Nalabit, ti liday isut' resulta ti kinakurang

a panangsungbat ti saludsod iti aglawlaw...

.

.

.

.

.

Naadaw iti paset ti daniw

22 A DANIW [Ti Biag]

Rudy Ram. Rumbaoa

samiwengkenayatnirudy.blogspot.com

#ilokodaniw #putedadaniw #22adaniwtibiag #liday #kinakurang #sungbat #saludsod #aglawlaw #samiweng #ayat #rudyramrumbaoa

Dagiti Puted a Daniw

9.

Mangisagut koma tunggal tao iti aramid a mangatur

ti nadadaelen a buya ken dayag ti nakaparsuaan

a gapu kadagiti partuat ti sobra a sirib...

.

.

.

.

.

Naadaw iti paset ti daniw

22 A DANIW [Ti Biag]

Rudy Ram. Rumbaoa

samiwengkenayatnirudy.blogspot.com

#ilokodaniw #putedadaniw #22adaniwtibiag #sagut #aramid #nadael #dayag #nakaparsuaan #partuat #sirib #samiweng #ayat #rudyramrumbaoa

APUY ITI BARUKONG

APAGLABES ti alas siete iti rabii

idi sumangpet ni baket manipud

iti trabaho, dagus a nagsukat. Pinetpetak

ti nairut dagiti ramayna idi nakaruar

iti kuarto. Inpaluganko iti pick-up truck.

Un-unorenmin ti dalan nga agturong

iti King Kamehameha Golf Course

iti Waikapu, nagsinsinniim-nagsinnintir 

no asino ti umuna nga agtimek-aguni.

Narasay ti tao a nadanonmi iti disso

a tinurongmi, iti ruar ti pannaka-restauranna

ti pilimi a nagyanan. Napintas a buya

iti aglawlaw ta nalawag a makita ken matamdagan

dagiti aglabas a lugan iti baba ti lugar

a nagtugawanmi-- makita pay ti anaraar

ken kasla kundidit a silas dagiti pagtaengan

iti sakaanan ti Bantay Haleakala.

Nalamiis ti apros ti angin nga aggapu

iti amianan, ngem nabarbara ti apuy

iti barukong a mangar-aron kadagiti riknami...

.

.

.

.

.

APUY ITI BARUKONG

Rudy Ram. Rumbaoa

samiwengkenayatnirudy.blogspot.com

#itangaaldaw #ilokodaniw #putedadaniw #apuyitibarukong #KingKamehamehaGolfCourse #waikapu #bantayhaleakala #samiweng #ayat #rudyramrumbaoa

[Bukod nga ala a ladawan ti nausar]

Padasek

Dagitoy dagiti balikas a saanko

a maisawang, ngem padasek

mga ikur-it iti bibigmo babaen

ti agek ti banag a naipempen

iti panunotko; padasek nga ikanta

ti musika ti pusok ken kompasak

nga isala ti ritmo iti umagibas nga angin...

.

.

.

.

.

Padasek

Rudy Ram. Rumbaoa

samiwengkenayatnirudy.blogspot.com

#padasek #balikas #ikurit #agek #naipempen #panunot #ikanta #musika #pusok #kompasak #isala #ritmo #umagibas #samiweng #ayat #rudyramrumbaoa

[Nabulod ti ladawan a nausar]

Puted a Daniw

Agmalmalem a mingmingmingak

Ti kurtina a nangabbong iti amin a labes

A makitak ket kasla agbirbirok iti biddut

Ti aldaw kadagiti nagpanawan a tugot.

Kayatko ti agrebelde tapno iwalinkot'

Kurtina a nangkullaap kaniak

Ken nawayaak a bumallasiw iti kasumbangir

Ti lagipko, ngem pawilannak ti bagik...

.

.

.

.

.

Naadaw iti maysa a paset ti daniw "Kurtina"

Rudy Ram. Rumbaoa

samiwengkenayatnirudy.blogspot.com

#ilokodaniw #putedadaniw #kurtina #mingmingmingan #abbong #makita #agbirbirok #biddut #tugot #kullaap #bumallasiw #kasumbangir #lagip #pawilan #samiweng #ayat #rudyramrumbaoa

[Nabulod ti ladawan a nausar]

Dagiti Puted a Daniw

Ket bayat panagaksawmo nga agturong i

iti desdes ti masakbayan, iyismagelnak

kadagita dapanmo tapno ti lugar a mabaddekam,

madanonko; ti balligi a magun-odmo, dinak

lipatan, mariknam nga agpitpitikak dita puso…

.

.

.

.

.

Dagiti Puted a Daniw

Naadaw iti paset ti daniw, “Panagbaniaga”

Rudy Ram. Rumbaoa

samiwengkenayatnirudy.blogspot.com

#putedadaniw #ilokodaniw #naadaw #daniw #panagbaniaga #panagaksaw #desdes #masakbayan #iyismagelnak #dapan #mabaddekam #madanonko #balligi #dinaklipatan #agpitpitakak #puso #samiweng #ayat #rudyramrumbaoa

[Nabulod ti ladawan a nausar]

 

Siak Daytoy

Tunggal aldaw nga aglabas

adda umay kenka a bisita

nga agkuna: “Diak daytoy.”

Iti yuumayna isangpetna

ti pangar-artiokna a pirak

ken balitok sana kuna: “Siak daytoy.”

Kadaytoy sangkabassit a ragsak

ken nabiit a pangnanam ti biag,

pagammuan ta lumagto ni patay

nga agdisso kenka iti pagnguddoan

ti aldaw nga agkuna: “Siak daytoy.”

.

.

.

.

.

Naadaw iti paset ti daniw

SIAK DAYTOY

Rudy Ram. Rumbaoa

samiwengkenayatnirudy.blogspot.com

#ilokodaniw #putedadaniw #siakdaytoy #naadaw #paset #bisita #arartiok #pirak #balitok #patay #samiweng #ayat #rudyramrumbaoa

Namnamaek

Namnamaek a makabirokka

ti maysa a natured a sumrek

iti bagyo a pagpaspasaram

ken mangrespeto ti makaanay

a rukod ti ayat dagiti dalluyonmo.

Namnamaek a makabirokka

ti maysa a mangnanam kinatalinaay

nga ik-ikutam ken maysa a nagagar

nga aglayag a mangyasmang

iti kalawa ti panagpampanunotmo.

Namnamaek a makabirokka

ti maysa a saan a manglibas ti ayatna

kenka gapu ta adda ti daram kenkuana

a mangipalagip a sika laeng ti kakaisuna

a pateg ti taaw a paglayaganna.

.

.

.

.

.

NAMNAMAEK

Rudy Ram. Rumbaoa

samiwengkenayatnirudy.blogspot.com

#ilokodaniw #putedadaniw #namnamaek #makabirok #natured #sumrek #bagyo #mangrespeto #rukod #mangnanam #talinaay #aglayag #asmang #panunot #pateg #samiweng #ayat rudyramrumbaoa

 

Dagiti Puted a Daniw

ngem pimmusayda

iti naglukongan

ti lima, nagtubo

dagiti tanem iti agrupsa

a kataltalonan

a nanglikmut kaniak.

sikat' anaraar ti lawag

ti bulsek a lubong,

ket bayat ti apagdarikmat

a pannakisarang

kaniak ni patay

iti patibulo, aniat' nabati

a banagen dagiti nakurapay

nga agalla-alla? angin kadi

a naparpardas ngem ti kimat?

.

.

.

.

.

naadaw iti paset ti daniw, "kailiwko"

rudy ram. rumbaoa

samiwengkenayatnirudy.blogspot.com

#kailiwko #ilokodaniw #naadaw #pimmusay #naglukongan #lima #agrupsa #putedadaniw #nanglikmut #anaraar #patibulo #agallaalla #samiweng #ayat #rudyramrumbaoa