Gundaway ken Sirkumtansia [Erotiko a Daniw]

[Nabulod ti ladawan a naaramat]


yaonka manipud iti karayan
a pagdigdigosam; iti kasta,
baludennaka dagiti takiagko
iti nairut, kayatko marikna
ti sang-aw ti bara ti bagim-
iti nagbaetan ti langit ken daga


pudno, saanka a nailibay malaksid
iti nasayud a panangdungpar kenka
ti panunotko, ket nagpettak a kas
konfeti a naregreg manipud iti tangatang,
nagpusaksak manipud iti tubbog ti cherry


nakasaganaak, ur-urayek nga awisennak
tapno ipadalanko ti nasam-it a bibigko
dita barukongmo ket mapnekakto
a mangnamam ti arak dagiti didiosen

wen umayak, ungapem dayta bibig
ammok a tagtagiurayem a kunnotek
ti nalabaga, ti derosas a mungay
ket mangibati ti lamma iti panangyaradok
ti dila agingga a maluom
ti maited a gundaway ken sirkumtansia.



gundaway ken sirkumtansia [erotiko a daniw]
rudy ram. rumbaoa
dagiti koleksion a daniw, sarita, kanta ken dadduma pay
www.samiwengkenayatnirudy.blogspot.com