Disiembre 24, 2o18

Disiembre 24, 2o18.

Aldaw ti Paskua mammet gayamen. Di mapupuotan. Nagalistot’ aldaw, aya. Madamdama, agpakadan ti duog a tawen. Kasta a talaga ti uddog ti panawen. 

Denggem, daytoy ti itedko kenka. Daytoy ti sagutko ita a Krismas. Nanumo. Arigna awan balorna. Awan pategna. Ngem awatem. Wen awatem ta nagbannogak a husto dayta. Tunggal tedted ti ling-et, adda kaibatoganna. Adda kaipapanan-bugasna. Laglagipem, nanumo man ti sagutko, naggapu dayta iti kaunngan ti pusok.

Ala kastan, Meri Krismas!