Agyamanka

Sika ti asawak--
kataktakunaynay iti biag.

Agpayso, sika pay
kaasitgan a gayyemko,
di maum-uma a kadua
iti rigat ken gin-awa;

sikat' kasilpot' aangsak
ken kabinnulig kararuak.

Sikat' kapatgan a sagut
kangrunaan kadagiti amin
a sagut, ti nasudi
a Nirvana ti pusok,

ta no awanka, awan met
urnos ti panagbiagko--

ita a maikapat nga aldaw ti Mayo,
agyamanka iti Dios Apo!



AGYAMANKA
Rudy Ram. Rumabaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspogspot.com