Ammok nga ammom kayat
ti bibigko nga isawang
balikas innak panagyaman
kadagiti amin a naaramidam,
ngem kas da la tumatayab
nga agkayabkab nga agpatangatang
agpukaw a kasla asuk iti imatang
ti adda't panunot dagus a malipatak
Kasano aya a maitedkot' naan-anay
ken nalaus a panagyaman sika a nakautangak,
sika a nangmulit' kinataok, nakataraonak,
nangbayabay panagdakkel, kasilpot' darak?
Tinagtagibinak manipud maladaga,
sika a nangilillili kaniak agingga
a mairedepak, ipaiddanak iti kama
ket bosesmo ti mangpasardeng
sangitko; sika a silaw ti pagtaengan,
sika a makaawat ken makailawlawag
kadagiti banag tapno maparagsak ti anak
Sika a nangasibay rubbuatko
nga agturong eskuela, adda liday
ken ulimek nga agari iti panagmaymaysam
a kaawanko, ngem agrangrang manen rupam
apaman a makitam isasangpetko
Sika a kasta unay anusna
a Siak ti inka 'yun-una
nga uray palubosannak a masuot--
saktan, dangran ti sabali ken riknak ti makarurod
Asinot' mangipinta ti kinangayed bullalayaw
iti lubong no mapno kadagiti nalpay nga arapaap,
siasino ti mangilawlawag kadagiti banag
no awan met makita ken maaprosan--
adda kadi balikas a mayataday a mangsungbat?
Natangken a kas iti katangken ti bato
dagiti saludsod ket amin a kayatko a baliksen
mariknak, ni kaano man ket saan a makaanay
Kasano aya ti wagas innak panagyaman
iti pusom, kadagiti ling-etmo, kadagiti luam,
iti nasurok sangpulo ribu a bambanag
a naaramidam a pagsayaatak
iti no manon a tawen ti naglabas?
Iti panangbaliwmot' kinataok, ti panangawatmo
dagiti nagkurangak, ti saanmo a pananggusto
kadagiti aramidko gapu ta isut' kayatmo,
inay-ayatnak latta a sidudungngo
Dika pulos nagsuko uray pay madanonan
pagnguddoan kinamasantingmo,
addaka latta a mangipannakkel kaniak--
sika a napudno a gayyemko
Ala kitaennak. Miraem a naimbag
ti kinaasinok ita. Makitam kadi
ti bagim kaniak, ti nagbanagak?
Amin a namnama ken arapaapmo, ti pigsam
a saan a makita ti sabali, nayallatiwda,
ket ti kangrunaan nga adda kenka; intedmo kaniak
Agyamanak iti amin a naaramidam
a nagpaay kaniak-- agyamanak, Ina,
gapu Kenka, naragpatkot' balligi a ragsakmo ita.
NI KAANO MAN KET SAAN A MAKAANAY
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com
[CR/RRR.o5.12.2o19.Maui]
ti bibigko nga isawang
balikas innak panagyaman
kadagiti amin a naaramidam,
ngem kas da la tumatayab
nga agkayabkab nga agpatangatang
agpukaw a kasla asuk iti imatang
ti adda't panunot dagus a malipatak
Kasano aya a maitedkot' naan-anay
ken nalaus a panagyaman sika a nakautangak,
sika a nangmulit' kinataok, nakataraonak,
nangbayabay panagdakkel, kasilpot' darak?
Tinagtagibinak manipud maladaga,
sika a nangilillili kaniak agingga
a mairedepak, ipaiddanak iti kama
ket bosesmo ti mangpasardeng
sangitko; sika a silaw ti pagtaengan,
sika a makaawat ken makailawlawag
kadagiti banag tapno maparagsak ti anak
Sika a nangasibay rubbuatko
nga agturong eskuela, adda liday
ken ulimek nga agari iti panagmaymaysam
a kaawanko, ngem agrangrang manen rupam
apaman a makitam isasangpetko
Sika a kasta unay anusna
a Siak ti inka 'yun-una
nga uray palubosannak a masuot--
saktan, dangran ti sabali ken riknak ti makarurod
Asinot' mangipinta ti kinangayed bullalayaw
iti lubong no mapno kadagiti nalpay nga arapaap,
siasino ti mangilawlawag kadagiti banag
no awan met makita ken maaprosan--
adda kadi balikas a mayataday a mangsungbat?
Natangken a kas iti katangken ti bato
dagiti saludsod ket amin a kayatko a baliksen
mariknak, ni kaano man ket saan a makaanay
Kasano aya ti wagas innak panagyaman
iti pusom, kadagiti ling-etmo, kadagiti luam,
iti nasurok sangpulo ribu a bambanag
a naaramidam a pagsayaatak
iti no manon a tawen ti naglabas?
Iti panangbaliwmot' kinataok, ti panangawatmo
dagiti nagkurangak, ti saanmo a pananggusto
kadagiti aramidko gapu ta isut' kayatmo,
inay-ayatnak latta a sidudungngo
Dika pulos nagsuko uray pay madanonan
pagnguddoan kinamasantingmo,
addaka latta a mangipannakkel kaniak--
sika a napudno a gayyemko
Ala kitaennak. Miraem a naimbag
ti kinaasinok ita. Makitam kadi
ti bagim kaniak, ti nagbanagak?
Amin a namnama ken arapaapmo, ti pigsam
a saan a makita ti sabali, nayallatiwda,
ket ti kangrunaan nga adda kenka; intedmo kaniak
Agyamanak, agyamanak,
dagitoy ngatan ti kapintasan a balikas
a panangipeksak
iti sagut ti biag, managayat nga Inak
Agyamanak iti amin a naaramidam
a nagpaay kaniak-- agyamanak, Ina,
gapu Kenka, naragpatkot' balligi a ragsakmo ita.
NI KAANO MAN KET SAAN A MAKAANAY
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com
[CR/RRR.o5.12.2o19.Maui]
No comments:
Post a Comment