Bang-ar ti riknak
Rangrang iti rupak
Rag-o ti biag
Bugas-grasia a naawat
Kappia iti panunot
Ray-aw iti panaggaraw
Gapu ta sikat' kakaisuna
Nga anakko, anak ni ina[m]
Ita nga aldaw ti rekuerdo
Ingungotenmi iti agnanayon
Kuerdas-himno
Nangyeg melodia a kanta
Naindaklan a panagrambak
Nayanak parupa ti rupak
Leddaang a nagari nagngudo
Inur-uray a ragsak, naitao
Uray di mabigbig
Nagtaudam, nabendisionanka
Iti pamilia a mangilala--
Awan maited napateg a banag no
Di ti ayat ken dungngo
Naganus man panunot inawatmo
Ditay' agnaed mansion gaput' kinanumo
Wenno pimmalasio a pagtaengan,
Ngem sikat' kadaklan
A gameng iti barukong a ragsak!
.
.
.
.
Naragsak a Panagkasangaymo Ita nga Aldaw,
SOFIA MONIQUE!
Sab. 24 Oktubre 2o2o
Maui
www.samiwengkenayatnirudy.blogspot.com
No comments:
Post a Comment