Riknaem ti Ilalaemko

agdakiwaska, sika a luppo

iti amin a paset ti rupak; 

umayka ket umasidegka

ti kinainosente ken sirib

iti lugar daytoy nagtagiramay

a dilak nasapulanna ti arabenna

ti manggargari a panagsala

dagiti mungay iti bibigko,

ti aprosmo kaniak, naintek,

makasalibukag, sapsapulek

'ta bibigmo, ti bibigmo

yaradona iti bibigko:

ti dakulapmo iti dakulapko

ket nabirokak ti lugar

a nabayagen a tinagiurayko

a pagpasagan ti agbabasa

a sabong sukog-kueba,

riknaem ti ilalaemko ita.

.

.

.

.

.

riknaem ti ilalaemko

rudy ram. rumbaoa

samiwengkenayatnirudy.blogspot.com

[nabulod ti ladawan a nausar]