Ti Biag [Mayarig iti Nagtawataw]

nagtawatawak a mayarig ti mula

a kaktus iti disierto, awan maawat

nga alnaab; nalikmutan ti darat

ngem dimmakkel ken immangraak a kas

kadagiti sabong a nalabbaga

naglumen ti panawen ket napuyupoy

ti tapok nga intayab ti angin

nga impalais iti sabali a disso,

napugas ti marka ti tugot ngem 

agbaniaga ti pakasaritaan 

iti masakbayan tapno agtalinaed

iti panunot ken lagip a kas

ti pusaksak ti sabong a lilak,

ngem no ti pusom ken pusok maduyok

iti siit a balikas ti daniw, dika

lumdaang; ti biag mayarig iti nagtawataw 

a mula ti kaktus iti disierto--

a mataraonan ti dara...

.

.

.

.

.

ti biag [mayarig iti nagtawataw]

rudy ram. rumbaoa

samiwengkenayatnirudy.blogspot.com

[nabulod ti ladawan a nausar]