ni Rudy Ram. Rumbaoa
Ne, nangisit 'ta sikom
ay ket, sumrekka!
Sikat' ur-urayen tallaong
a kasapulanna.
Padapada, awan kurangna
maymaysat' puli nagtaudanna;
siak, sika, isuda, datayo
Filipino ti kinataotayo.
Kunak, sumrekka, kabsat
iti abong-abong a naisangrat;
intay' ket ipasindayag
panagkaykaysa ken ayat!
Dimo ibain no nangisit 'ta sikom
Iladawam pudno a kina-Ilukanom,
adda kad' makuna a diperensia
pagasasaot' sabali dimo maawatan?
Daytoy ti kunak a pakaidayawan
uray nangisit siko, nalasbang;
nataer pay ken malalaki
ammona a takderan ti kari.
No idasig, datayo ti kalaingan
iti sabali a puli datayo mangmangngegan;
no trabaho saantayo met a maudi
nagaget, naanus ammotayot' agserbi.
Ala sumrekka, no nangisit 'ta sikom
dumagaska iti bukod a tallaong,
ditoy ti pudno a pagguummongan
pakasarakan ken ni Filipino a pagulidanan.
NANGISIT 'TA SIKOM, SUMREKKA
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenkenayatnirudy.blogspot.com
[copyright (c) november 23, 2007 by rudy ram. rumbaoa]
