Adda iparangarang
paludipmo, Maui,
iti inta manen panagsarang;
mariknak a kayatmo
a sindian ti nasebsebanen
nga apuy ti naitanemen
a kalman...
Ngem laglagipem
a maminribu man
nga iparipiripmo a biagen,
saanen nga agungar pay
ti nakeltayen nga anges
ni ayat a pinagay-ayaman...
Nadurdoren ti puso iti sugat
kayatmo pay lussoken ti lasag.
A, diakon sangitan
no ti pannapukawko kenka
ti rason nga agbalinak a panes.
Ti ipapataymo iti lagipko
Isut' pagbiagan ti kararuak.
SAANEN A MAISUBLI PAY
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com
[CO.2008.by.rudyram.rumbaoa]
No comments:
Post a Comment