[Maudi iti Dua a Paset]
Regular a Taraon [Nutrients] nga ipauneg para iti mabayag/napaut a panakinaig
DAGITI taraon a pagparugso-pagpasiglat a nadakamat iti imun-una ket adda pay akemda kas pagpapigsa para iti mabayag a panakinaig. Adda met sabsabali. Adda kina-espesial ken kina-importante dagiti esensial a fatty acids, ti Bitamina B-complex ken mineral. Adda met akem ti calories. Calories iti taraon ti mangipaay ti enerhia para iti amin nga aktibidad nga aramidentayo iti inaldaw-aldaw, karamanen ti seks.
Alaen ti kaustoan a bilang ti Calories
Saan a nasayaat ti anorexia [wenno ti panakapukaw ti ganas a mangan]. Kas met kadagiti dadduma a napateg a kanito ti physical activity, ti sex kasapulanna ti calories- no mabalin, adu a calories. No agipauneg iti bassit a calories, agpukaw ti sex drive ti maysa a tao a karaman ti timbang. Uray pay no madanonmo ti kalikagumam a physical goal, agtennag a mabanbannog ken iritable ti riknam a makinaig. Saan a pangupay daytoy gapu iti ayatmo a palag-anen ti timbangmo, ngem agannad iti insigida a panagbaba ti timbang iti low-calorie diet ta agresulta iti didigra ti taraon.
Ti kinaawan ganas a mangan ken panagbisin ket maysa daytoy a pangrippuog iti bukod a bagi. Ti sobra a timbang ket saanna a kayatna a sawen a bumaba ti sex appeal ti maysa a tao. Ngem ti panagsobra a timbang ket mabalin a saanna a matakderan ti wagas a panakiseks wenno panakiromansa, ketdi, apektaranna ti reproductive system ti bagi. Saanna la a dayta, apektaranna pay ti panagpataud ti sex hormones. Daytoy ket agpayso partikular kadagiti overweight a resulta ti high-fat diet.
Ti taba, agpataud iti estrogen, ti kangrunaan a female hormone. Para kadagiti babbai, ti panagurnong ti sobra nga estrogen ti mabalin a mangpataud iti saan a makaay-ayo a side effects kas iti panakaisturbo ti panagbinulan wenno panagbubussog ti tian. Mairisgo pay daytoy iti panagtaud ti breast cancer gapu ta ti cancer ket estrogen-dependent. Ngem maliklikan ti panakairisgo no ibaba ti bilang nga ipauneg nga high-fat foods.
Para kadagiti lallaki, ti panagdiyeta iti high in fat ti mangiturong ti bagi nga agpataud iti nababa a testosterone- hormone dagiti lallaki nga akin-responsable iti sex drive. Ti panagadal nga insayangkat ti University of Utah, nasubok ti epekto ti high fat iti testoterone levels iti walo a nagboluntario a lallaki. Makapasiddaaw ti nagbalin a resulta ti pagsubok. Kalpasan nga imminum dagitoy iti high fat milkshakes [57% fat, 34% carbohydrates, 9% protein], bimmaba ti level ti testosterone dagiti lallaki iti agarup 50 a porsiento. Idi imminumda iti low-fat milkshakes [1% fat, 73% carbohydrates, 25% protein], saan a pulos a bimmaba ti level ti testosteroneda. Iti pinal a nagpatinggaan ti pagsubok, kuna dagiti nagsukisok nga ibaba wenno pukawen ti high-fat diet ti sex drive ti lalaki. Inamongan ti dadduma pay a panagadal daytoy a konklusionda.
Kannayon a mangibaba iti libido, adda pay kontribusion ti high-fat diet iti panagtaud ti atherosclerosis- ti panangbangen ken panagdeposito ti taba iti blood vessels, karaman dagiti babassit a blood vessels ti mabagbagi ti lalaki. No agilet dagiti blood vessels babaen ti plaque deposits, saan nga umisu ti rasion a dara a mapan iti mabagbagi ti lalaki ken saanna a magun-od ti panagtangken, dida pay sumungbat iti senial ti sexual nga iturayan ti sex drive.
Ti diyeta a nangato ti ramenna iti animal fats, nangruna dagiti taba a masarakan iti red meat- ti mabalin a mangapektar ti hormone levels iti agpada a lalaki ken babai. Masansan a mainayon ti female hormone iti taraon ti animal kas iti beef cattle ken no dadduma iti manok tapno mapabussogda a mailako iti tiendaan. Ammo dagiti babbai ti female hormones ti mangpataud iti panagurnong ti danum iti bagi a mangdegdeg ti dagsenna.
Daytoy saanna a kayat a sawen dika agipauneg kadagiti tabtaba para iti salun-at ti hormonesmo. No aramiden met ad-adda nga iyegna ti perdision iti kudil. Mabalin pay a lappedan ti fat-soluble vitamins nga aramaten ti bagi: ti bitamina A,D,E, ken K. Masapul met ti bassit a taba iti diyeta, ngem masarakan daytoy iti natnateng, nuts, bukbukel, ken lana ti lames. Karaman pay iti kangrunaan a taba ti essential fatty acids.
Essential Fatty Acids
-masapul dagitoy a taba ti bagi, ngem dida mapataud ti kabukbukodana. Masapul a marasionanda ti diyeta ta esensialda. Importante ti panagtrabaho ken serbi ti fatty acids kas iti panangpapigsa ti cell membranes, ital-ona ti panagdakkel dagiti piskel ken taba iti dara. Krusial met daytoy nga agserbi iti sex life ti tao. Kasapulan iti normal a panagtrabaho ti sex organs ken glands, mangpataud ti sex hormones ken adrenal hormones, parugsuenna ti produksion ti prostaglandis- maysa a substansia ti hormone a nasken tapno adda sexual response, padur-asenna ti sirkulasion tapno agayus ti dara iti genitals ken tumulong a pagpatangken iti mabagbagi ti lalaki.
Dagiti dua nga esensial a fatty acids nga adda akemda nga agtrabaho ket ti linoleic acid ken ti EPA [eicosapentaenoic acid]. Dagiti kangrunaan a paggapuan ti linoleic acid ket iti cold-pressed oils ti natnateng, bukel ken nuts. Kameng ti EPA iti omega-3 group ti fatty acids a masarakan iti lana ti lames kas iti salmon. Ti omega-3 fish oils ket dakkel ti akemna a mangibaba ti cholesterol ken blood fat levels, ngarud, padur-asenna ti sirkulasion ken paingpisenna ti dara.
Agpada ti linoleic acid ken EPA nga agpataud iti prostaglandins- kasapulan iti sexual response ken panagtangken ti mabagbagi ti lalaki. Tapno mapaadda ti prostaglandins, kasapulan ti fatty acids ti umisu a rasion ti bitamina B3, B6, bitamina C, zinc ken magnesium.
Taraon a paggapuan
Linoleic acid: Safflowe oil, sunflower oil, evening promrose oil, black currant oil, soil oil, corn oil, sesame oil, walnuts, almonds, peanut butter.
EPA Omega-3: Salmon, mackerel, menhaden, herring, sardines, flaxseed oil.
Saan a mabalin nga ipauneg ti EPA no agus-usarka iti thinning-blood medication. No sobra ti panagusar iti EPA, ipabassitna ti abilidad ti dara nga agtitipkel.
Maisingasing kadagiti diabetes nga agipauneg iti lames gapu iti esensial iti fatty acids, ngem liklikan ti agusar iti fish-oil suppliments.
Vitamin B-Complex
Dagiti fast-food, naproseso a taraon ken junk food- paset amin dagitoy iti aginaldaw a lifestyle. Ngem nupay konbiniente ken alisto wenno nababa ti presio dagitoy a taraon, nakurang met ti ipaayda a pagimbagan ti salun-at ken bitamina. Maysa kadagiti kangrunaan a kurang isu ti bitamina B. Ti whole grains ti kangrunaan a paggapuan ti B vitamins iti apagisu a diyeta. Ngem kaaduan kadagitoy a B vitamins ti naikkat iti panakaproseso ti panagaramid ti puraw a tinapay. No awan ti B vitamins, ti bread ket saanen a maibilang a "paset ti biag." Adda met sabsabali pay a makagapu iti daytoy a pagkurangan ti B vitamins kas iti edad ti tao ken problema ti salun-at.
No agkaurang iti ania man kadagiti B vitamins, nakaimposible a magun-od ti alimpatok nga itden ti seks. Dua ti mabalin a makagapu: "enerhia ken nerbio." No awan ti B vitamins iti bagi, saanna a mabaliwan ti carbohydrates iti glucose- simple nga asukar iti bagi ken kangrunaan a paggapuan ti enerhia. Wenno saan marumrumek ti taba wenno proteins. Iti ababa a pannao, uray manganka, awan ti magun-od wenno mapataud nga enerhia manipud iti taraon nga ipaunegmo.
Agresulta pay ti panagkurang ti bitamina B iti iritable uray iti punto ti kinaagresibo ken kinanerbios.
Malaksid no agipaunegka iti adu a wheat germ, whole grains, brewer's yeast wenno dalem, ngem kasla imposible a magun-od ti B vitamins iti mismo a taraon. Iti sabali a bangir, no agipaunegka iti suplimento ti single B vitamin, kasapulan a mayadu ti dadduma a bitamina B. Ti panagkurang ti maysa a B vitamins ti mangpataud iti panagkurang ti sabali. Ngarud masapul a balanse ti vitamin B-complex suppliment.
Mineral
Mangrugi kas minute particles of dadakkel a bato nga agporma iti lana- ditoy a lumabas ti mineral. Manipud lana iti danum, manipud iti mula ken iti mula- dagiti animal kadatayo, dagiti agipauneg iti agpada a mula ken animal.
Iti amin a taraon, ti mineral ti kangrunaan a kasapulan tapno agbiag. Mabalin nga agtrabaho ti bagi nga uray awan ti bitamina, ngem saan a mabalin iti minerals. Kasapulan pay ti bitamina ti kaadda ti mineral tapno makapagtrabaho dagitoy. Kasapulan ti mineral iti isu amin a selula ti bagi ken ti proseso ti panagtrabaho ti bagi kas iti digestion ken iti sex. No awan ti minerals uray laeng ti likido iti bagi, saan a makapataud iti kapsit ti lalaki. Dagitoy a minerals ket makuna a chemical catalysts tapno maaramid ti maysa a banag.
Dua ti grupo ti minerals. Umuna, adda makuna a "macro [bulk] minerals" a kasapulan para iti ad-adu a kuantidad: calcium, magnesium, sodium, potassium, phosphorous. Ti maikadua isu ti "micro [trace] minerals" a kasapulan para iti minuto a kuantidad: zinz, iron, copper, manganese, chromium, selenium ken iodine.
Dagiti sobra a minerals a maipauneg ket mapan kadagiti tulang ken piskel.
Kompleto ti panangsagepsep ti bagi ti minerals. No adu ti maipauneg a zinc- mabalinna a pukawen ti calcium ken copper. Ngarud saan a nasayaat no agipauneg iti maymaysa a klase ti mineral supplements malaksid no adda superbision ti health professional.
Magatang ti mineral iti porma ti chalated. Kayatna a sawen a nairaman iti protein a tumulong a masagepsep.*
No comments:
Post a Comment