[Umuna iti Dua a Paset]
Adda epekto ti taraon iti sexuality- direkta wenno indirekta. Adda sumagmamano a nutrients a mangpapigsa ti levels ti hormones ken neurotransmitter nga agpartuat iti pagrusuan ti panakiseks ken paaduenna ti agayus a dara nga agturong iti mabagbagi ti tao. Dagiti dadduma apektaranda ti seks- direktamente babaen ti impluensia ti kangato ti hormones ken neurotransmitter nga addaan iti napigsa a bileg a mangapektar ti emosion. Kalbiten dagiti nutrients ti panakaparuk-at ti hormones ken neurotransmitter a mangital-o ti tarigagay a makinaig.
Kas met kadagiti herbal ken esensial a lana, adda nutrients a mangipakita iti "naseksi a reputasion." Dagitoy maipaunegda sakbay ti panakinaig, ngem agserbida a temporario. Apagbiit a rikna ti tarigagay ti seks ken enerhia. Dagiti sabsabali, agtrabahoda para iti long-term tapno umadu ken pumigsa ti sexual vigor ken vitality babaen ti portipikasion ti glands ken ti reproductive organs ken ti panangapektar ti levels ti sex hormones ken neurotransmitter.
Taraon [Nutrients] nga ipauneg sakbay ti panakinaig
Agtrabaho dagiti taraon iti bukodda a tiempo ken oras. Mabalin a saan a madlaw ti agbalin nga epekto dagitoy a taraon iti bagi. Daytoy ket agpayso iti kaaduan a taraon a mangpapigsa ti panakiseks. Dagiti dadduma, alisto ti aksion ken maipauneg sakbay ti panakinaig tapno marikna ti epektona.
Dagitoy ti fast-acting nutrients:
Vitamin E [Tocopherol] ti nagbalin a kangrunaan a bitamina ti dekada. Nalatlatak ti awagna kas "sex vitamin," wenno "virility vitamin," ta maipagarup a adaytoy a bitamina ken itdenna ti pigsa ti panakiseks ken rekomendado pay kas "recreational drug."
Ipaay ti bitamina E ti nangato nga enerhia ken itdenna ti dakkel a pagbaliwan. Kunada nga iti ipauneg ti high-potency vitamin E capsule kagudua ti oras sakbay ti seks ket agresulta iti panaglayus ti pigsa a makiseks nga agbayag iti sumagmamano nga oras. Saan laeng a mangted iti enerhia ti bitamina E, itdenna pay ti kinaundor.
Kas iti dadduma a nabigbig a sex-boosters, ti bitamina E ket awan ti ramenna nga aprodisiak kas nairakurak iti panagadal. Nabileg ti bitamina E nga antioxidant. Kayatna a sawen a lapadan dagiti substansia iti bagi manipud iti pana-oksidinar ken pagbalinenda dagitoy a free radicals, toxic molecules a mangperdi iti selula. Proteherenna ti nalabbaga a dara manipud iti free radicals- ti bitamina E ti mangibaklay ti kompleto a rasion ti puro nga oksiheno iti amin a paset ti bagi.
Nasken pay ti bitamina E para iti metabolismo ti enerhia. Agtrabaho daytoy a kaduana ti coenzyme Q10, tumulong a mangbaliw ti taraon nga ipaunegtayo nga enerhia.
Maawagan ti bitamina E iti virility vitamin gapu ta esensial iti produksion ti kapsit, sex hormones ken gonadotropin- ti pituitary hormone a mangrugso ti sex glands.
Iti test tubes studies, ipakita ti bitamina E a paaduenna ti fertility ken motility ti kapsit ti tao. Ti potency ken aktibidad ti kapsit ket direktiba no kasano ti kaadu ti bitamina E iti semen ti lalaki.
Masarakan ti bitamina E iti wheat germ, vegetable oils, whole grains, bulbulong iti berde a nateng, nuts, bukel, dalem, itlog. No nangato ti presion ti daram, saan nga agipauneg iti bitamina E no saan a konsultaren ti doktor. Sobra a bitamina E iti bagi ket ipangatona ti presion ti dara.
L-Arginine
-maysa kadagiti maibilang a walo nga esensial nga amino acids. Ti esensial nga amino acids ket dagiti banag a dida ma-synthesize ti bukodda ket karaman dagitoy iti dieta.
Agtrabaho ti L-arginine kas pagpasilat iti panakiseks babaen iti panangiyaduna ti nuerotransmitter a mangpataud ti tarigagay. Adda pay akemna a mangted ti panakapnek tapno maragpat ti alimpatok ti ragsak.
Paborito nga ipauneg dagiti body builders ken atleta ti L-arginine ta padakkelenna ti piskel ken pabassitenna ti taba. Kuna dagiti atleta nga ited ti L-arginine ti enerhia, stamina, ken kinaundor.
Naduktalan ti nabiit nga adda akem ti L-arginine a patangkenenna ti mabagbagi ti lalaki. No magargari ti lalaki, adda chain reaction manipud iti enzyme a mangbaliw ti L-arginine iti boto nga nitric oxide. Kalbiten ti nitric oxide ti itatangken ti mabagbagi ti lalaki. Ti abilidad ti itatangken ket adda konektadona iti kaadu ti L-arginine ken oksiheno nga ibaklay babaen ti dara nga agturong iti mabagbagi ti lalaki.
Masarakan ti L-arginine iti kaaduan a taraon. Adda suplimento nga ipaayna iti agpada a lallaki ken babbai. Ken natalged.
Masarakan daytoy iti brown rice, mani, nuts, tsokolate, manok, raisins, dry products, sesame seeds, sunflower seeds, oatmeal, popcorn, raw cereal, whole-wheat products.
Saan nga ipauneg ti L-arginine no adda sakit iti kidney wenno dalem. Liklikan met ti masikog nga ipauneg ti L-arginine.
Choline ken Letichin [Phosphatidylcholine] ket nadesignaran kas maysa a B vitamins. Krusial ti pananyallatiwna ti mensahe a kemikal iti nagbaetan ti nerbio ken utek, karaman a paimbagenna ti rikna. Esensial ti choline para iti panagrugso ken pasiglatenna ti aramid iti panakiseks.
Kangrunaan a ramen ti choline ket ti lecithin- maysa nga asido a taba a mangproteher ti cell membranes manipud iti panagtangken ken perdision babaen ti oksiheno. Addaan ti kapsit ti lalaki iti adu a bilang ti lecitihin ken masuktanda dagitoy kalpasan nga agparuar.
Parugsuen ti choline ti utek nga agaramid ken ruk-atanna ti neurotransmitter acetylcholine. Pasayaaten ti acetylcholine ti rikna ken garienna ti panakiseks, nangruna kadagiti agtawenen iti nasurok a kuarenta. Kalbiten pat ti choline ti panakaparuk-at ti lubricating moisture manipud iti mucous membranes ti vagina wenno mabagbagi ti babai para iti preparasion ti panakiseks. Tumulong met daytoy a mangmentenar ti kinatangken kadagiti lallaki ken iti produksion ti hormones.
Pasiglaten pay ti choline ti utek, nangruna ti memoria ken tumulong a mangpukaw ti timbang babaen ti panakayanud ti taba manipud iti selula.
No usaren a mangparugso ti tarigagay, 100 agingga iti 200 mg ti choline ti ipauneg gudua ti oras sakbay ti panakinaig.
Masaran ti Choline iti egg yolks, dalem, soybeans, lames, karne, gatas, whole grain cereals, peas, beans, mani, bukbukel, nuts, berde a natnateng, brewer's yeast.
Pataudenna ti dipresion ken panagsuyot no sobra ti ipauneg.
Liklikan nga ipauneg no adda gastric ulcers wenno Parkinson's desease, wenno addaan iti naireseta nga agas kas iti atropine wenno diphenhydramine ta ladanda ti epekto ti acetylcholine.
Phenylalanine ken Tyrosine- paaduenna ti bilang ti dua pay a sex boosting brain neurotransmitters: ti norepinephrine ken dopamine. Esensial nga amino acid ti Phenylalanine a makita iti dua a porma: D-phenylalanine [para iti ut-ot] ken L-pheylalanine [para iti dipresion]. Kombinasion ti itden a suplimento ti DLPA [DL-phenylalanine]. Mamindua ti kapigsa ti epektibona para iti dipresion [ti agas nga Imipramine].
Tyrosine kas iti L-phelalanine, maysa daytoy nga antidepressant. Adda konektado ti kinaawan aresgar ti seks iti deipresion, makatulong dagiti taraon a manggubat ti dipresion. Paaduen pay ti tyrosine ti bilang ti neurotransmitters a mangtengngel ti sex drive. Nonessential amino acid ti tyrosine gapu ta kabaelan a patauden ti bagi manipud iti phenylalanine.
Masarakan pay daytoy iti nalabbaga a karne, manok, seafood, soybeans, wheat germ, dairy products, nuts, bukbukel.
Liklikan ti panagusar no agipapaunegka iti antidepressants wenno MAO inhibitor wenno nangato ti presion ti dara, phenylketonuria, melanoma skin cancer wenno diabetes.
Ti Phenylethylamine [PEA] ket makuna nga isu ti "kemikal ti romansa," puoran ti kemikal ti "love at first sight." Maawagan pay ti "molecule of love ." Aramid ti utek ti PEA manipud iti phenylalanine. Ti produksion daytoy ket kalbitenna ti panagpanunot ti seks ken romansa.
Natural nga amphetamine ti PEA, ital-ona ti rikna ti agpada a lalaki ken babai. Pataudenna ti excitement, euphoria ken romansa.
Ti PEA ket ital-ona ti levels ti sexual wenno romantic fantasies, panagbasa ti romance novels, panagdengngeg iti romantic music wenno pukawenna ti romantic memory. Dagiti erotic novels, X-rated films, erotic art ken sabsabali pay nga sexually explicit material ti tumulong pay a mangipangato ti PEA levels.*
[Adda tuloyna]
__________________________
No comments:
Post a Comment