Sabong

[Nabulod ti ladawan a naaramat]


No bumangonka iti agsapa,
agsarimaddengak a mangbuya kenka.

Isalapaymo ti duanaig iti tawa
ket ti raya ti init tiliwennat' makasisirap
a pudaw dagiti abaga, ket iti baba,
iti sentro dagiti nagbaetan ti nalukneng
a luppo, adda sadiay ti ing-ingungoten
 a kueba nga agur-uray ti panangipulagidmo
ti spongha, agindayon ti barukong,
agpallayogda kas iti maris
amarillo a rosas.

Binuyatam ti bagim iti danum
ket ti nabasa nga abaga kas da
la maris pirak.
Naglamukosen arigna ti matennag a sabong.
Inimdengak, minatmatak,
kas da la mapirpirsay a petalo
nga agtennag iti daga
ket iti tawa a nalikmut iti lawag
makitak ti agminar a ruangan-
a dita ti 'yan ti kinabaknang.


Sabong
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com
[c]04.30.2011