Dika Agtakder iti Rabaw ti Tanemko

[nabulod ti ladawan a naaramat]


Dika agtakder iti rabaw ti tanemko
ken dinak sangitan ta awanak sadiay;
saanak a naturog no di sipupuot.

Addaak iti rinibribu a milia nga impalais 
ti angin kas iti niebe a nawaya 
nga agregreg, wenno tudo a mangbisibis
ti bangkag dagiti eppes a grano.

Addaak kadagiti palayupoy ti bigat,
karanting ti napintas a linglingay
ti panaglikawlikaw dagiti tumatayab
iti tangatang; ket siak dayta bituen
a manglawag ti rabii ken agayamuom
a banglo ti sabong iti talinaay a kuarto-
agkanta a kas ti tumatayab 
ken agpartuat ti musika kas ti arpa.


Dika agtakder iti rabaw ti tanemko
ken dinak sangitan ta awanak sadiay;
maysaak a banag, saanak a pimmusay.



DIKA AGTAKDER ITI RABAW TI TANEMKO
Rudy Ram. Rumbaoa 
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com
cr.o6.2o11.maui