Kunak Man...

[Nabulod laeng ti ladawan a naaramat]

Iti daytoy a bagi
agayus ti sagrado
a ling-et manipud ti bara 
nga agangsaw iti barukong;
mataraonan ti maladaga
manipud iti tubbog 
ti malarosas a mungay,
kukua ti ay-ayatek a lalaki
ti nasamek a kueba 
a pagrukbaban agingga 
nga ilalaanna, ket kadagiti amin 
a pagsuknalan-
ditoy ti pakapnekan.

Ngem, diak pay nasarakan
wenno naenkuentro ti sabali 
a templo no di laeng ti bukodko
a bagi iti tay-ak a ragsak 
a marikna a sapsapulek...


Kunak Man/Dagiti Puted a Daniw
RudyRam.Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com