22 a Daniw [Ti Biag]

1.
Matagikua ti sirib uray no awan adal,
ditay' matagikua ti adal no awan kinasirib

2,
Saan a tagikuaen a kas kukua ti gameng ti sabali--
ti kinalabon ti bungam sip-akenna ti sanga ti kayo

3.
Kunada: ti ayat isut' namnama ti biag,
agakem a langto iti tengnga ti kapanagan

4.
Nasaysayaat nga amang a mangted ti tulong a saan a mairakurak, 
ngem ti mangted nga agallangogan manipud iti boses ti lubong

5.
Saan laeng ti panagisawang ti balikas ti mabalin 
a mangiparipirip kadatayo ti maysa a banag,
uray pay ti bukod a pannakaawat ken panagrikna


6.
Makita kadagiti naulimek a tao ti kinapudno 
kadakuada, ti sasaadenda iti biag 
ti agsao tapno mangngeg ti bosesda

7.
Agbalin a bulsek ti maysa a tao no agtultuloy a 
sursurotenna ti aniniwanna a magna 
iti kasipngetan iti laksid nga adda lawag

8.
Itedko kenka ti sagutko,
bungonem koma iti ayatmo

9.
Mangpartuat koma ti tunggal tao ti kangrunaan
a sagut nga aggapu iti bagi ken panunotna tapno 
agbalin daytoy a rangtay ti bukod a panagballigi

1o.
Nalabit, ti liday isut' resulta ti kinakurang
a panangsungbat ti saludsod iti aglawlaw

11.
No pagsuspetsaan ti motibo,
masansan a kondenaren ti aramid

12.
Ti biag isut' di agressat ti napintas a sagut
iti lubong a paggargarawan

13.

Ikalintegan ti garaw ti bukod a motibo
uray pay nadayaw wenno inuulbod


14.
Kas ti tao a saan nga aggaraw, agtugtugaw
nga awan ar-aramidenna, malibtawan ti biag
ti estangkado ti bassit a dan-aw

15.
Iyusong ti kinaimbag iti bagi
saan ketdi nga ikawes 
ti kinademonio ti sabali

16.
Adda akem ti espiritu nga agaramid kadagiti
banag a di makita ket agbatay ti pudno
nga intension iti kinapintas wenno kinalaad ti aksion

17.
Siuulimek nga agbaniaga ti ayat
iti rinibribu a milia a kaadayo

18.
Kitaen ti baba no irugi ti agaddang a magna
tapno makita ti pagnaan--kas iti law-ang,
awan limitastion ti desdes

19.
Panagipudno ken panagulbod,
magustoan a baliksen ti dila

2o.
No adda mangibaga a magna iti baro a dana
ti biag, dika paal-allilaw, damagen nga umuna 
no napadasannan ti nagna iti baro a dana nga ibagbagana

21.
Adda dagiti tao nga arigna awan pategmo kadakuada
uray ammoda nga addaka sadiay, ngem no awankan
a sulek ti mata, kailiwdaka a makita--
adu dagiti agak-akem a bulsek ken sulpeng

22.
Dagiti balikas ti mamaginnadayo kadata



22 A DANIW [TI BIAG]
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com