Aura

[Nabulod laeng ti ladawan a naaramat]

aura iti panawen-lam-ek
mangted ti niebe-
agandap ti beggang.

aura iti panawen-panagrurusing
mangyeg baro a pannakaipasngay-
maipakita kinaimportansia ti tao.

aura iti panawen-kalgaw
'yegna ti init-
tapno ibaonna dagiti ubbing nga agay-ayam.

aura iti panawen-panagrururos
itedna ti angin-
tapno agsala dagiti bulong.

amin dagitoy a panawen
'yegda ti pannakabalanse ti risiris
tapno agbalintayo a siisip, sinanakem,
sipupuot wenno sipapanunot iti bukod a biag...



AURA
Rudy Ram. Rumbaoa

Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com