Kunak Man...

[Nabulod laeng ti ladawan a naaramat]

Kayatko nga iggaman 
dagiti imam 
nga umasideg kaniak 
kas iti dekuerdas 
nga instrumento
a musikal 
a kasukog ti itlog
tapno tumpuar 
ti uni a kabuyog ti ayat-

Ngem nalabit, kaykayatmo siguro
nga ibakal ti bato iti sarming?
Siak ti sarmingmo, adtoy ti bato...



Kunak Man/Dagiti Puted a Daniw
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com