Ipugso ti Bulkan

[Nabulod laeng ti ladawan a naaramat]

Naibaba a siiinayad
ti matmaturog
a riknak, nagsayasay
ti napudot a dara;
nagpettak nga awan
man ti ballaagna,
naglayus a kasla apuy
ti narunaw a bato
nga arig ipugso ti bulkan.

Kayatko a marikna
ti panagrinnasras,
kayatko a marikna
ti pannakapuor kudilko.
Kayatmo a mabisinan
ti tianko; agbalinak
a tagtagaimpen.

Kayatko a matukmaan
ti bara ti apuymo 
nga adda kaniak, 
baludenka iti arakupko.
Kayatmo nga inumen
ti natunaw a bato
nga impugso ti bulkan-
Ngem kayatko met ti bumtak
ken agpasag dita barukongmo...


IPUGSO TI BULKAN
Rudy Ram. Rumbaoa
dagiti koleksion a daniw, sarita, kanta ken dadduma pay
www.samiwengkenayatnirudy.blogspot.com