Kunak Man...

[Nabulod laeng ti ladawan a naaramat]

Kunak, sika ti arak
siak ti kopita, natayak
ngem sika ti paggapuan
ti biag-

Ita, linuktak ti ridaw
ti debosion. Ngem kunam,
agulimekka. Siasino kadakayo
ti mangpalubos nga adda
agmauyong iti uneg ti pagtaengan?



Kunak Man/Dagiti Puted a Daniw
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com