Kunak Man...

[Nabulod laeng ti ladawan a naaramat]

Nagsaludsodka kaniak: "Kasano
Nga adda ima ken saka ti ayat?"

Ti kama ti tumrarongan 
Wenno pagrutingan ti ayat
Dagiti ima ken saka!

Ditoy ti nagay-ayaman 
Da Amam ken Inam, nagtipon
Nagmaymaysa ti riknada
Ket gapu iti dayta, timmaudka-

Dinak pagsaludsodan no ania
Ti mabalin nga aramiden 
Wenno maited ti ayat.

Kitaem ketdi ti maris ti lubong!


Kunak Man/Dagiti Puted a Daniw
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com