Sika nga Author ti Personalidadko

Namnamaek a maay-ayoka
iti aniaman a mabasam kaniak;
Namnamaek a maragsakanka
iti tunggal episodo, wenno parte
ti dakdakkel nga estoria wenno
pasamak a paset ti pakasaritaan
ti biag nga umay kaniak.

Ngem iti agdama, uray siak,
kayatko met ti maaddaan iti bassit
a pannakakontento iti panangisuratmo
ti libro no sadino a makitak nga amin
nga agak-akem iti pamiliak, ti nagtengnga
a karakter wenno kababalin wenno ugali-
kayatko a sukimaten wenno analisaren
iti wagas a naun-uneg ken naan-anag.

Nagpintasen ti agtignay wenno adda
kinawaya nga aggunay iti dayta a direksion!

Tunggal maysa kadatayo adda bukodna
a paggapuan ti pannakabang-ar
a maimatangan ti ragsak ti sabali
ti panangiladawan dayta nga ayat.

Pairuten ti pannakaikabit ti koneksion
ti komunikasion, duktalen wenno
diskobrien ti kabaroanan a dalan
ti rekursos a mangted iti kinabaknang
a kas met iti panangsurot ti panawen
wenno oras ken tiempo iti pakatun-oyan
ti panggep a kinaimbag iti sabali a tao-
nga arapaapen uray mano a tawen
a di mabasa ti libro, nakasurat ditoy
ti linabag ti pakasaritaan ti pamilia.

Sika nga Author ti Personalidadko
[Ken ni Adelindes iti Aldaw Dagiti Inna]
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com