Kunak Man: Dagiti Puted a Daniw

[Bukod nga ala a ladawan]

Daytoy ti dapo nga ared-ed ti rabii:
awan nabati iti panid ti pakasaritaan 
ti nagpatnag ket ti panagadu ti babassit 
a pangen dagiti barko manipud iti nasulinek 
a lugar ti taaw, kas da la apuy a bula, wenno 
kulibangbang nga agtatayab nga agbibiag
a nakawaywayas a kaarangi iti uging a balikas
a mangpigis iti bagi ket mabriat ti panunot.

Saan pulos naisubli dagidi nagpukaw 
nga aldaw, in-inut a pinugas ti panawen 
karaman ti atiko a lupot-- awanen rimat 
dagiiti bituen iti law-ang a manglawag
ti dalan; kas met kenka a mayarig
ti kalamiis ti agtennag a niebe 
iti daga a linikudanen ti Paskua
ngem maipada ti liday ken bara
iti pinanawan a tugot ti Kuaresma...



KUNAK MAN: DAGITI PUTED A DANIW--TI NAPANAWAN A TANEM
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com