ita a rabii

[Nabulod ti ladawan a naaramat]


ita a rabii, 
agarapaapak manen.

ita a rabii,
'yunnoyko ti bagik
kadagiti narimat
a bituen iti tangatang.

ita a rabii, 
addaak iti sidong
ti lawagda;

ket ammok, ti panaglanganko
iti kaaddak koma kenka, 
sidirennak.

ngem saanka kadi
a maragsakan
nga uray ita la a rabii,
mabang-aranka met
a di makakita kaniak
a sulek dagita matam?





kunak man/ita a rabii
rudy ram. rumbaoa
dagiti koleksion a daniw, sarita, kanta ken dadduma pay
www.samiwengkenayatnirudy.blogspot.com