Kunak Man/Dagiti Puted a Daniw

[Nabulod ti ladawan a naaramat]


Nakurenren rupak
ket dagiti dakulap,
nakersang iti amin
a panawen panagani.
Nupay iwaneswes
ti angin ti silaw
iti poste iti daytoy
a rabii, magnaak latta
a sakasaka kadagiti
di pay naarado
a pagtatalonan;

maarikap met ti biag
kas iti maysa a sugat,
ket ti rabii a napno
ti bituen, matnagda
a kas balikas--

itdenna ti napait nga agsapa...




Kunak Man/Dagiti Puted a Daniw
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com