Kunak Man/Dagiti Puted a Daniw

[Bukod nga ala a ladawan]

Saan, diak kayat
ti agbalin a bulsek
kas iti kasipnget
ti napudot
a rabii ti kalgaw;
diak kayat maipalais
kas iti angin
nga awan umno
a turongenna
ket arikapek lattan
dana a pagnaak.
Kasanon no masinasina
ti nayaplag a rangrang
dagiti bituen iti tangatang--
sippawek kadi lattan
dagiti maregmeg
nga itupak a rungsot
ti impierno kaniak?



KUNAK MAN/Dagiti Puted a Daniw
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com