Kunak Man...

namaliwen ti maris 'di pusaksak
ta kunak no sika pay la ti dati a sika--
ti biag a kasilpot' anges
ti ayat a rag-o ti puso
ken arapaap a rangtay ti masakbayan...

ngem diak masdaaw
ta adu ti burburtia
iti biag a daliasatentayo:
patiek ketdi a maysaak
a pakariribukam, ngem
saan kadi a paset
ti pannubok dagitoy a tuok?

*makapalagip latta ti naglabas a sangapulo ket dua a bulan. ngem ita, sumirsirpen ti ubing a tawen. 'nia ngata ngay ti agur-uray nga itdenna a gasat?

—

kunak man

rudy ram. rumbaoa

dagiti koleksion a daniw, sarita, kanta ken dadduma pay

www.samiwengkenayatnirudy.blogspot.com