Dagiti Puted a Daniw

natukay ti riknak iti naminsan a pannakimisak

iti maysa a bigat ti domingo. kasla adda magneto

dagiti perreng ni magnolia kaniak. mariknak

nga adda naisalsalumina a banag a nangdalapus

iti pusok ket nagayatak kenkuana-- 

banag a saan koma a rumbeng a mapasamak.

diak ammo ta saanak met a guapo ti kunak,

ngem pudno a mailemmeng ti panagaruat

ken panaggungunayko iti edadko a tallopulo.

diak nalabanan ti sulisog. nagari ti kinarukop

ni adan. natnag ti rikna ni magnolia, ngem 

nailimed daytoy nga aramidko ken ni may. 

ammok, dakkel a biddut gaput' kinarukopko.

naladawen idi agbalawak. naammuan ni may

ket kasta unay panangbalawna kaniak.

natadtadem pay ketdin ti kusilapna ngem 

ti punial a maiduyok iti barukongko.

manipud idin, nagbalinen a nakiro ti relasionmi.

saankon a makita ken makasarita. nakaturong ketdi

amin a mata ti pamilia, kabagian ken am-ammo

ni may kaniak a kasla kayatda a makita 

ti tunggal tignay nga aramidek

.

.

.

.

.

dagiti puted a daniw:

samiweng ken ayat

rudy ram. rumbaoa

dagiti koleksion a daniw, sarita, kanta ken dadduma pay

[peb.2o11]