Dagiti Puted a Daniw

kawaw panunotko kadagiti putarek

a kanta. diak payen maipamaysa

ti kina-newswriter-ko iti radio.

masumokkon ti agbisio, a dati

a diak maaramid idi. mangrugin

nga aglitem ti kalub dagiti matak

gaput' kapupuyat iti rinabii 

a mangpampanunot ken ni may.

inaramidko amin a pamuspusan tapno

maalak ti adres a pagobraan ni may

iti hong kong manipud iti maysa 

a gayyemna. imbag la ketdi ta naasi

ken mannakaawat. ken isu met laeng

ti nakaammuak a nagipulongan ni may

iti nagbanagan ti relasionmi.

kellaat a simmeksek iti panunotko ti ladawan

ni may. innalak ti suratna ket binasak manen.

napaangesak iti nauneg ta kasla mailadawanko

ti rupa ni may iti panangpabasolna kaniak.

nga iti dayta a kanito, kasla mariknak

ti punial a naiduyok ken naiwalawal iti pusona

a nakariknaanna ti apges gaput' kinasukirko.

piniduak a binasa dagitoy a binatog iti paset ti daniwna:

"no makapuotak, piman, 'toy riknak agbabalawen

isiraykot' matak aglikmutko ta bareng kad laeng,

agliwliwaak pay met koma ngem anian, aya, ngaminen

aglanglangoy ti bangkayko ta luluak met aminen..."

sidsiderennak kadi ti konsensiak? nasaludsodko

iti bagik. ket ni magnolia?

ah, awan pay formal break-mi!

.

.

.

.

dagiti puted a daniw:

samiweng ken ayat

rudy ram. rumbaoa

dagiti kolkesion a daniw, sarita, kanta ken dadduma pay

www.samiwengkenayatnirudy.blogspot.com

[peb.2o11]