Kunak Man

Immay idi rabii
ti ay-ayatek
a napnoan iliw
ti rupa, linuktanna
ti ridaw ti kuarto
ngem kunak:
“Inka. Ita a rabii,
saan nga agbukirad
ti sabong.“ Iti yaadayona kunana: “Daytoy kadi
ti debosionmo,
ti kayatmo?
Immay la ngaruden
ti intero a lubong
iti ridawmo, ngem
dimo pinastrek…”
.
.
.
.
KUNAK MAN:
Dagiti Puted a Daniw
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com