Kunak Man

bay-ak maiduayya panunot ita--

wen, uray la koma ita a kanito

tapno mabukkaan nangbalud kalmanko.

ibus-oyko a maililliliak iti umagibas

nga angin tapno mailibay, mairidepak.

kayatko nga aglayag riknak a mayadayo

iti bagik-- kayatkot' maisina,

aginana, 'tay awan mangsinga;

kayatko nga ipapas panagmaymaysa

tapno dung-awak kinain-inaka

a nagbanagan ket maipintak

iti panunotko ti kinapiman a gasat.

[ngem diak kabaelan---

kasapulak takiagmo a kiredko...

uray apagapaman mariknak saranaymo.]

.

.

.

.

.

kunak man: puted a daniw

rudy ram. rumbaoa

samiwengkenayatnirudy.blogspot.com