Apaglabes ti alas siete iti rabii
idi sumangpet ni baket manipud
trabaho, dagus a nagsukat. Pinetpetak
ti nairut dagiti ramayna idi makaruar
iti kuarto. Impaluganko iti pick-up truck.
iti King Kamehameha Golf Course
iti Waikapu a pangrabianmi ngem awan
timtimekmi, nagsinniim-nagsinnintir
no asino ti umuna nga aguni.
Narasay ti tao a nadanonmi iti disso
a tinurongmi, iti ruar ti pannaka-restauranna
ti pilimi a nagyanan. Napintas a buya
iti aglawlaw ta nalawag a makita ken matamdagan
dagiti aglabas a lugan iti baba ti lugar
a nagtugawanmi-- makita pay ti anaraar
ken kasla kundidit a silaw dagiti pagtaengan
iti sakaanan ti Bantay Haleakala.
Nalamiis ti apros ti angin nga aggapu
iti amianan, ngem nabarbara ti apuy
iti barukong a mangar-aron kadagiti riknami...
.
.
.
.
.
Puted a Daniw: APUY ITI BARUKONG
Rudy Ram. Rumbaoa
samiwengkenayatnirudy.blogspot.com
No comments:
Post a Comment