iv.
maysaak a bulsek ket sapsapulenka,
yunnatko dagiti takiag
aprosak laeng ti iking ti ariwanas.
asinonto ti mamagtipon manen kadata
nga agtugaw iti rabaw ti bato iti apagapaman
tapno imdenganta ti anasaas ti danum,
ti apros ti init,
no ti aglawlaw linangeben ti sipnget?
diak kayat, diak kayat ti agbalin a bulsek
kas iti rabii ti maysa a kalgaw a napudot;
kaano a masinasina ti langit
iti babaen ti dagsen dagiti bituen,
agtinnagda kaniak, iti abagak?
sika, siksika laeng ti sapsapulek
ken dumngegak-- iti sirok ti leppak ti kayo
iti narumrumek a tinapay,
agpitik ti di makita a puso...
.
.
.
.
.
naadaw iti paset ti daniw
"pannakalipat"
rudy ram. rumbaoa
samiwengkenayatnirudy.blogspot.com
naipablaak iti bannawag, agosto 8, 2o11 isyu
[nabulod ti ladawan a nausar]
No comments:
Post a Comment