iii.
impanawmo ti timekko kas iti uni ti kampana
ket agkatok ti awengna kadagiti nangato a kuarto
agingga iti lansad.
iti nagbaetan nga awan makabangen-
maysa a puso para iti dua.
maysa, wen. no agsina ti kopa
saanko a maliklikan ti apuy
a mangapros iti naulimek a layus
ket malmesak kenkuana.
wen, malmesak ken agsiddaawak
ta maysaak a bulsek a lames kadagiti koral-
yelo ti kaarig ti nagbaetanta
a timmangken ket ti apuy isu ti manguram...
.
.
.
.
.
naadaw iti paset ti daniw
"pannakalipat"
rudy ram. rumbaoa
samiwengkenayatnirudy.blogspot.com
naipablaak iti bannawag, agosto 8, 2o11 isyu
[nabulod ti ladawan a nausar]
No comments:
Post a Comment