umayak. umayak agidda
iti nakaliad a butaka
ti sensual a porma--
riknaem aggitebgiteb
a diamante, ti natangken
nga armas ni ayat
a lumaem iti puso
ti maraseda a sabong.
itedko. ipariknak kenka
ti maminribu a masahe
ti nabisked a bagi bayat
a say-opek banglo
ti sabong-ayat.
riknaek, riknaem
ti iseserrek ti pateg
ken bara ti agluyluy-a
a lasag ti di mailadawan
a bang-ar ken panagganas...
.
.
.
.
.
umayak, itedko, riknaek, riknaem
[erotiko a daniw]
rudy ram. rumbaoa
samiwengkenayatnirudy.blogspot.com
[nabulod ti ladawan a nausar]
No comments:
Post a Comment