ti gasat ti agtawtawataw-walangwalang
iti kumporme a sulit' lubong a pakadanonan,
kanayon a mawaw ken mabisbisinan
a mangun-unor kadagiti dalan
ken pagsikkoan nga awan pagnguddoan.
no kuan, maidaleb iti daga gapu't paksuy
malapgis ti lasag ket agtedted ti dara
kadagiti nadalus a kalsada,
sumarut iti kudil ti makasinit
a darang ti init, nakana a leddaang
ti maipamelmel iti bibig ta dina mayebkas
maipeksa dagiti balikas nga im-impenen
ti kaunggan-- ngem siakto latta dayta,
agitured-agpakumbaba ken mamatiak
nga adda iti pusok ti pakaipalnaadan
dagiti ur-urayek a pagilasinan...
.
.
.
.
.
ti agtawtawataw-walangwalang
rudy ram. rumbaoa
samiwengkenayatnirudy.blogspot.com
[nabulod ti ladawan a nausar]
No comments:
Post a Comment