Ita Met Nga Aldaw

kamaudiananna, nadanonko ti linia 

a pagnguddoan ti daan a pakasaritaan

ngem ita met nga aldaw ti rugi ti umuna 

a rinibu a milia nga addang nga agturong 

iti sabali manen a kapitulo ti panagbiagko 

a mangtun-oy dagiti banag a kayatko a maragpat...

agyamanak iti kinasayaat ti apo, ti diosko 

a nangsaluad iti amin dalan a naglasatan ken nagnaak

ta intedna kaniak ti kapapatgan a sagut-- ti biag.

kadagiti amin a nakalagip iti aldaw ti panagtaok,

nagkabalaaw ken panangiraman kadagiti kararagda,

agyamanak. ti apo ti mangbedision kadatayo amin!

.

.

.

.

.

ita met nga aldaw

[ti rugi ti umuna a rinibu a milia nga addang

nga agturong iti sabali manen a kapitulo ti panagbiagko]

rudy ram. rumbaoa

samiwengkenayatnirudy.blogspot.com