agarup amin a banag iti dayta a kanito
ket nagluom ken matnag
no dadduma, agumentar ti pul-oy
ti angin ket pagsalaenna
dagiti tawa--aglukat sa maitangep.
ngem naglamiis ti rabii ket timpuar
dagiti nakarimrimat a bituen iti tangatang
kas iti karimat ti naabbongan a pingping,
ket ti barukongmo kasda la kigaw
iti itutuppuarda iti lawag ti sellag a bulan
'yarig dagiti kulintaba a lirio a maayatan...
.
.
.
.
.
naadaw iti maysa a paset ti daniw
'maysa a kalgaw'
ken karaman iti libro nga alimpatok,
antolohia dagiti erotiko a daniw nga ilokano
rudy ram. rumbaoa
samiwengkenayatnirudy.blogspot.com
No comments:
Post a Comment