Umisemka, Aginnisemta

nadagsen man awitmo

a kros iti abagam, 

umisemka latta, filipinas.

isemannak, ala. 

aginnisemta man---

dimo pakadanagan,

makipagbagkatak iti bantot

ti kalbaryo a bakbaklayem ita;

uray diak marikna ti apges

ti sugat iti barukongmo,

kaduanak a makipagsagaba.

umisemka. aginnisemta.

isemanta man ti lubong

a mangbuybuya kadata ita

kadagiti nagkaadu a buaya

a timmakdang a nanglamut

ti kinabaknang nga agpaay

iti gumawgawawa a pagilian.

.

.

.

.

.

umisemka, aginnisemta

rudy ram. rumbaoa

samiwengkenayatnirudy.blogspot.com

[nabulod ti ladawan a nausar]

#umisem #aginnisem #awit #kros #filipinas #bantot #kalbaryo

#baklay #apges #barukong #agsagaba #lubong #buaya

#takdang #nanglamut #kinabaknang #agpaay #gumawgawawa

#pagilian