Ubbog ti Biag

Ni Rudy Ram. Rumbaoa





Sika
ti paggapuan
ti biag
ti pigsak
ti aramid
ti tiempo
ken darikmat.

Impariknam kaniak
ditoy pusok
ti ayat
tapno punuenna
ti nakarasan a namnama.
Imbus-oymo ti raya
tapno lawaganna dagiti matak
tapno makitak
maimutektekak
ti pudno
a kaipapanan ti biag.

Dimo impalubos
a sibbarotennak ti sulisog
tapno agkurno
iti aramid a naindagaan
a pakailaw-anak.

Sika, O Apo,
ti
ubbog
ti
biag,
a pakasarakak
ti pudno a ragsak!

Kenka ti ayat!

[CR.2008.by.rudyram.rumbaoa]
________________________