Isu ti Karaptak

ni Rudy Ram. Rumbaoa



[Ken ni Simeon]

Ita nga aldaw,
seggedak ti kandela
iti altar daytoy pusok,
idawatko iti Namarsua
a pagrangrangenna ti lawag
iti kaunggak;
lawaganna 'toy panunotko
ikanawanak
tapno iti dakes
saanak a maiteppang.

Daytoy nga apuy
ti mangsilnag kaniak,
tapno iti agnanayon makitak
ti lubong a napnoan maris
ken mariknak ti ragsak;
Kenkuana isu ti karaptak.

[CR/11.20.08//by.rudyram.rumbaoa]
_____________________________