Adda Ragsak a Sangitan

Ni Rudy Ram. Rumbaoa


Salun-at
iti isip,
kinalawag
kinaimbag
a makita
dagiti mata,
saan a paidalan
iti manglimlimo
wenno dakes
nga aramid.

Saan a mauma
iti nalaka
ken umasug
wenno agdukot,
saan met nga aglabes
ti panagbubukod.

Agtalek iti Apo
ta naited kenka
ti pannakaawat
iti panakapaay,
wenno mangiburay
kadagiti awanan
ti balligi
a magun-odan.

Ditayo agsiddaaw
ta adda ragsak
a sangitan,
adda met ragsak
a naliday
iti likudan
ti panagballigi...

[CR<2008>by.rudyram.rumbaoa]
___________________________