Ni Rudy Ram. Rumbaoa
no dadduma dimo maawatan ida
ugali't babbai nakakatkatawa,
ibagam ngaruden nga ay-ayatem ida
agmisuotda sadanto aglibbi kenka.
dagiti dadduma agindidi da
aginpapakipot madamdama mayatda,
babbai no dadduma dimo maawatan ida
ngem kamaudianna dakayto met la a dua.
agpayso narigatda a maawatan
ugali ken kayat dagiti babbalasang,
ngem no dadduma marurodka
ta ipapilitda lattan ti kaykayatda.
ay, atiddog ken natangken
daytoy pasensiak namnamaem;
wen, atiddog ken natangken
uray rigat ti innak lak-amen!
no dadduma, kayatko't agpauyo
ngamin ar-armek dina ammo't agluto,
kuna ni nanangna dina pay labaan pantyna
masakdu pay digosna, agdigos sagumbida.
ti ayanna a pagdaksan ita
agbalinakto ngata a labandera,
wenno agluto't kanenna?
ay, kayatkon ti agpauyo, nana!
ngem gaputa ay-ayatenka unay
atiddog, natangken pasensiak di agsarday,
wen, atiddog ken natangken
gasatko kenka ti innak lak-amen!
[copyright September 2006 by rudyram.rumbaoa]
No comments:
Post a Comment