Lipatennak

Ni Rudy Ram. Rumbaoa

(naipablaak iti Bannawag idi Hunio 27, 2005 ken naiposte iti Iluko.com idi Abril 24, 2006

Lipatennak, no namnamaem

a malipatannak

Guraennak, no namnamaem

a kasuronnak;

Ilunodnak, no namnamaem

a nagbiddutak

Dusaennak, no namnamaem

a maibturak,

Ngem laglagipem koma, Ayatko

Nga addaakto laeng a kalasagmo

Ti ayatko, umap-apoy;

kas taaw a di malansad

Ngem no awanton

ti pategko kenka

Sapay koma ta maawatkonto 

tapno dika metten

Pampanunoten ta no saan, 

ti iliw a diakto masarkedan

Ibitinnakto iti bayangbayang.

[copyright 2006 by rudyram.rumbaoa]

_______________________________