Ni Rudy Ram. Rumbaoa
[immuna a naiposte iti iluko.com idi 10.24.07]
Agdaniwka latta
dimo sardengan,
imutektekam
iyebkasmo ti adda
dita kapanunotam
igudugodmo ti nakatudo a pluma
bay-am nga agpussuak
ti balabala ti balikas a kasam-itan.
Dika agsarday
dika maapay
rubrobam ketdi
ti pabelo ni gagar
agingga a maungpotmo
ti aringgawis ti balligi.
Dimo sardengan
agsurat pakaliwliwaan,
ngem annadam tunggal iyebbetmo a balikas
ta amangan no daytoy kenka ti mangikalang.
Laglagipem: iti panagsuratan,
adda met pakasidiran!
[copyright/september2007/byrudyram.rumbaoa]
_______________________________________
No comments:
Post a Comment