Isurom Kaniak ti Agbasol

ni Rudy Ram. Rumbaoa

[nasurat 4.3.2011]

Isurom kaniak ti agbasol-
iti wagas a mapawilan nga ayat,
ammok nasin-aw tarigagaymo;
nalanay agar-arapaap a matam
basol a kabaliktad pudno.

Wen, isurom kaniak ti agbasol-
adipenennak dagita pangay-ayom

baludennak dagiti nabisked a takiagmo
ibus-oykot' bagik, tagikuennak.

Pagbalinennak apuy iti nalamiis a sardam
tapno sumged tarigagay

agkak dagita bibig- aminmo,
agingga a mariknak sam-it aminmo.

Uray kunam a kaguranak,
Isurom kaniak ti agbasol.

[copyright by rudyram.rumbaoa]

Isurom kaniak 

no kasano ti agbasol
ti di palugodan a wagas 

ni ayat, gapu ta sika,

maallukoymo ti rikna

manipud iti mahika 

a naglinged kadagita 

agar-arapaap a matam-

baludenna ti areng-eng

a malapsut kayawanna

iti tunggal masukog a basol

agrukbab ti mabaludmo

maaramidmo ti kinatarnaw a rikna
Ti mahika dagiti matam kayawanna

Iti tunggal sukog ti basol aramidenna a nabirtud-daydayawen

Isurom kaniak no kasano ti agbasol

Baludennak kadagiti pangay-ayom

Rim-itennak kadagiti nabisked a takiagmo
Adipenennak tapno ayatenka
Aramidennak nga apuy iti dara
Nga addaan iti nasged a tarigagay
Ket agkak dagiti bibig
Agingga nga agtunglab ti rikna ken angesko.
Ay wen, uray pay kunam a kaguranak,
Isurom kaniak ti agbasol